ريدي .. حسن كازوز

ريدي طليت..اليوم علي ريدي طليت...منين لفيت وقف وانا تعظيم عطيت
الغالي طليت.....ضحك لي جيت .نخبر في الناس بما ريت..
طليت اليوم علي ريدي ..كي ماكان ودودي القيته..
طارب مد خطاه غديدي ..وانا طارب ماعنيته
شوري هم ومديت ايدي..لاقاني ملهوف وجيته
هو فرحة قلبي هو عيدي..صبالي تعظيم عطيته
زال الهم وحول كيدي..والشوق اللي انا عانيته
ريحني بطل تنهيدي..ضمدت الجرح وداويته
مشكاي ودي وسنيدي..في وسط عيوني حطيته
مازال قديمي وجديدي..مافي مرة يوم انسيته
متغلغل مابين وريدي..في دمي يسري ثاريته
موالي هو بيت قصيدي...ماوجعني لا جافيته
لا ع الخاطر هان ودودي..كيف انهون اللي حبيته
هذا طقي وتمجريدي..بيت ابيت علي غيره نشعر مابيت
ماخاب رجاي لاظني....لا دارو بيش نجافيهم
مازالو هم قطعة مني ....وانا قطعة منهم فيهم
نرقد في نومي متهني.... وين اندير اللي ترضيهم
نفرح وين يسالو عني...ونطير من الشوق انجيهم
وين انطق ووين انغني...هم راس البيت انلاقيهم
واضح والعارف يفهمني ماناقص غير انسميهم
شور جلاويهم متمني.....يامرسالي ..تمشي وتجيني طوالي
..مازالو ع العين غوالي ..فرقة حالي ننساهم مرة من بالي
مازالو ع العين غوالي