سيد الغوالي

الغالي اللي زهو بالي..اللي الفرَح ديما أيامه

الغالي أسعود الليالي..وماتحجباش غمامه

الغالي وسيد الغوالي..غالي وعالي مقامه

واللي مايحبّش الغالي..نا ماأنحبّش كلامه

ياسيد الغوالي يانور عيني..يانور كلّ الليالي

ياسيد الغوالي ياتاج فوق جبيني..يافرحتي ودلالي

يافرح ماينعدّ ..مافيه كيفك حدّ..ولاكيف ودّك ودّ

مكانك عزيز وغالي.

**

نبعك مناهل صافيه ترويني..ودّك لذيذ وشافي

وعطفك عليّا فاض وأمغطّيني..وطرفك كبير وظافي

حُبّك فخَر ماليني..سيدي وزهوة عيني..ياعلو وأمعلّيني

مكانك عزيز وغالي

ودّك غناوي عزّ وأتناديني..ماهي أجروح ودمعه

وأنت الغلاء الغالي اللي أمعلّيني..أنت شمس وغيرك شمعه

حتى وماتنطال..سيدي وزهو البال..عمري عليك حلال

مكانك عزيز وغالي .