السلام عليكــم ورحمـة الله وبركاتــه ،،
كم هو جميل لقاء الاحبه بعد فراق طويل وكل منهما اصبحت له حياته وعالمه
وكم هو جميل ايضا ان نجد في عيون من احببنا ذات يوم نظرة حنين لتلك الايام وابتسامة في وجه من طالما احبه واشتاق اليه.
وكم هو صعب عند التلاقي ان ننظرونبحث ونفتش كثيرا ولانجد سوي نظرة عابره وتجاهل تام وربما نظرة شخص يفكر هل قابل هذا الشخص يوما ما ام انه اشتباه
انسيبكم تقرو
نفس الجو الى صاري بس من غير ضناه هههههههههههه
تلاقيت نا وياه .. ماشي وجنبه ماشين ضناه
الغايب بعد مده
امعاه عويله .. قابل وكانت غايتي نمشيله
نسلم عليه ..نعاتبه ونحكيله
ليش الغياب وليش طال جفاه
واذكرت كي ريتا اسنين جميله
اياما وهو فاضي ونا مشكاه
كنا نتلاقوا كل يوم وليله
وماضي تواري كنت فيه امعاه
وانقطعن اخباره وين شال رحيله
عليا تباعد كنت جار احذاه
ودورت واجد مالقيت وسيله
ونحسابه الغالي مايطول رجاه
واليوم قابل بو عيون كحيله
وماحس كي مريت من يالاه
صفقت بيديا ونا نوميله
وانقول في سري الله الله
والشاعر :نعيم الزوي يقول
معاه اصغاره.. غض النظر واطي علي انظاره
عديت شوره ودمعتي منهاره
وتميت نمشي ف الطريق وراه
تمتمت كلمه قلتله عباره
وعاودت شريط الزمان امعاه
حاولت نحكيله انجيب اشاره
ونجيب ذكره اتذكره ابغلاه
لكن الباين من عيونه اخساره
ناسي الماضي وكل ما قلناه
ولاجاب مني شي في تذكاره
وحتي كلامي مافهم معناه
مديت يدي وقلتله بابصاره
كل شي درته في الحياه تلقاه
تلاقيت نا وياه .. ماشي وجنبه ماشين ضناه
الغايب بعد مده