رابطة محبي الشاعر الكبير / عبدالله منصور

رابطة محبي الشاعر الكبير / عبدالله منصور

أبحـار مع عذب الكلم وحلو النغم


    يا اسباب العلة

    شاطر
    avatar
    ريهام ليبيا

    عدد المساهمات : 71
    تاريخ التسجيل : 19/01/2010
    العمر : 33
    الموقع : ليبيا

    يا اسباب العلة

    مُساهمة  ريهام ليبيا في الجمعة فبراير 05, 2010 3:33 pm

    أسباب العله

    ياأسباب العله العين كان ماتما شكاها لله تبقى ضاله
    ياأسباب شقايا يلي بعيدة دار موش حذايا
    ف البال زولك لي كيف تهايا يقفز القلب وما يرد أْمحله
    ماتعجبي لو تسمعي لحكايه اللي الياس فيها هو زعيم الشله
    قلة دباره معا جيوب فضايا وبخت عاقد ماعرفت أْنحله
    سلطة المال اْتفرق الغوايا وترفع الواطي فوقنا اْيتعلى
    تلومي عليا ليش يامشكايا تقولي جفايا لك اسبابه مله
    اسباب الجفا يم العيون سهايا من ياس فيا فش غله كله
    بعتك ونا عارف اللي شرايا مستعجلين بشروتك ماشا الله
    ويوم مابدا فرحك بديت عزايا القلب اجري فيه عظم الله
    قبلت قلبي وكبروا الصلايا وشكرت سعي اللي معايا صلى
    دفنتا وراضي بحكمته مولايا وقبره بدمعي كل يوم أْنبله
    سهريه كبيره درتا وعزّايا صغير اللي ميت عليه اسم الله
    وانتي دايره معا شلتك سهرايه زيطه وما غابن عليها اْغزله
    ضنا العم والجيران والصَبّايا اللي جوك في فرحك الكل اسلى
    ******
    ياسبايب دايا حكاية غلانا واصله النهايه
    دمعي نزل من فرقتك يامنايا مابا يراجي نين نا ناذن له
    نحرق ودخاني ملا الطفايا ياسي يغني ونا اللي نطبل له
    بعد صوب عشنا به ايام زهايا ورفقه كما رفقة الجسم وظله
    ليام فرقت بيناتنا يامنايا ليام يقلبن مايدوم شي اْمحله
    لولا ظروفي ياحدود الغايه نا من مكاني ان متت ما نحولّه
    ولااشمتو فيا جميع اعدايا ولا للفراق بياس قلبي اْندله
    ياالله نادم والعيون ملايا دموع خلفن لي في غلاها ذله
    خذوا توم روحي ودنيتي وغلايا حتى سلامي اليوم مايوصل له
    من ع الغنايا يجي ويبكي معايا ملي كيف حالي كبيدته منسله
    يصبي علي بير النسيه حذايا النسيان ينشل لي ونا ننشل له
    يخرف علي ضيعة اولاف ورايا يذلل اوعار الشوق ونذلل له
    ونحرق كتاب الدمع في النهايه في وين ننسسى زول سمح الطله .

      الوقت/التاريخ الآن هو الجمعة نوفمبر 17, 2017 9:25 pm