Admin الجمعة فبراير 12, 2010 12:45 pm
غنت نوال غشام عدة اغاني ليبيه ولعل اشهرها غوالي و التي تقول مقدمتها
غوالي نقبل عتبهم من غير ما نعاتبهم
حتى بعد سياتهم ما هانوا
وديما على شط الوفاء مركبهم
امواج المحبة يختفوا و يبانوا
والاغنية التانيه التي اخترتها من اداء نوال غشام وكلمات عبدالله منصور هي اغنية رجيت ومطلعها يقول
راجيت و المرجا كمل صبري نفد مني و زعلت
ونسيت الزعل لما الجواب وصلني
سلامك جاني سلام المحبة و الحبيب التاني
سلامك جاني وحيا غلا من قبل في وجداني
ولا تقول شافيني و لا ظالمني
واضح سلامك يا حبيب زماني
سلامك يقول العيب ماهو مني
سلامك صافي سلام المحبة و الحنان الدافي
سلامك صافي لما وصلني يا بعيد و جافي
هون علي قلبي و بعدك عني
حيا امل بين الهواجس غافي
حسيت خطواتي قريبة مني
___________________________________
والاغنية التانيه تقول:
مشكلتك و عيبك تصدق في العوازل و تكدب في حبيبك
مشكلتي و عيبي ديما نسامح فيك وانت من جديد تغلط ياحبيبي
تمشي مني راضي علي و خاطرك متنهي
يجوك حسادي و يحكوا عني
تصدق انا ما نقدر نهار نسيبك
تصدق حسادي تخيب ظني
وانا ما نقدر على تكديبك
__________________________________
غيب علي سنين حتى الخواطر شكت
جية حبيب العين عيون الشماتة بكت
مالقيت من ينصحني ويدلني عالصبر ويريحني
ويقول كلمة خير ويفرحني
ولا من يكفف دمعتي ويسكت
واللي تمادى في الكلام جرحني
اهي سحابة عابرة وانفكت اهي انفكت
ما لقيت من يعذرني
ومن هوعلي نوم الهنا يجبرني
واللي معاته ليه الجفا يحرني
شوقك ونارك لا طفات ولا ولا فكت
يالللي قدومك بالحياة غمرني
واللي كذب اهو اليوم مسكت اهو مسكت
___________________________________
انا نصدق عيني
المطربة التونسية امنة فاخر
انا نصدق عيني
تحلم عقاب الليل و تصحيني
تكدب علي و تقول توه يجيني
هو ما لفى
________________________________
نفسي عزيزة ما ندلل بيها
و تهون عندي في غلا غاليها
هي الوفية
ومش ساهلة نفسي تهون عليا
وفي شان غاليها تكون هدية
وتصعب على غيره و هو يبغيها
يا مصعبها
هي غالية و تهون في واجبها
و لا قدرت عنك يا غلا نحجبها
ادلل معاك كيف ما تبيها
يا مبعدها
على كل من حاول و من عاندها
غالي عليها و سيتك تجحدها
ومحال مهما كان ما تحكيها
____________________________
اغنية: الرسيل
غناء: غادة رجب
كلمات: عبدالله منصور
لحن: ناصف محمود
وينك يا رسيل شيطت ريقي
وكل عليك الله بينك وبين حبيبي
جبت الكلام الحلو م المحبوب
وطيبت الخواطر و رطبت القلوب
لك مية جميل وتسلم يا رسيل
______________________________
اغنية: لا يا حبيب العين
غناء: نوال غشام
كلمات: عبدالله منصور
ألحان:ابراهيم فهمي
لا يا حبيب العين لا تظلمني
ظلمك عداب مرير......
لو ريت مني عيب لا تجاملني
حقك علي كبير..........
هكي غلا الزينين لا جرح لا دمعات
ديمه زهاء للعين لا ظلم لا سيات
غير الشوق و الود الغزير
_________________________________
اغنية: ما شئ من سيرتكم
غناء: اصالة
كلمات: عبدالله منصور
لحن: عمر الجعفري
ما شئ من سيرتكم ما زال باقي غير المواجع ما غفت
كان الوفاء شيمتكم صار الفراق بدالكم عيني جفت
ما تقول كنتوا غاليين علي و شهد المحبة الزاهرة النقية
شمعة وحيدة في خلاء مطوية في ليل دامس ما انطفت