رابطة محبي الشاعر الكبير / عبدالله منصور

رابطة محبي الشاعر الكبير / عبدالله منصور

أبحـار مع عذب الكلم وحلو النغم


    أيش نقضك ياجرح

    شاطر

    Admin
    Admin

    عدد المساهمات : 96
    تاريخ التسجيل : 05/01/2010

    أيش نقضك ياجرح

    مُساهمة  Admin في الخميس فبراير 11, 2010 11:08 am

    أيش نقضّك يا جرح ... وايش خطّره مدعاك
    خليتني يا جـــــــــــرح ... صــــــــاعب عليّ دواك
    نلقانك يا قــــــــــــــاسي ... انتا السبب في ياسي
    وياريت كل حـــــواسي ... بالسيه اترد اكفاك
    أيش نقضك يا جرح
    وايش خطّره مدعاك
    نحســــابك إلا بريان ... يا جرحنا واقدرت
    تنسى أيام زمــــــــــان ... ثاريتك استوعرت
    ليلي ونهاري اسّاون ... واوجاعك عليّ تقاون
    ما بيت يوم اتهاون ... ياجـــــرح يا مقساك
    أيش نقضك يا جرح
    وايش خطّره مدعاك
    يا جرح ليش اتسطّر ... خلك حنون عليّ
    الله والنبي ما اتخطّر ... امواجع قديمه فيّ
    يا ريتك اتدير جميل .. اتخففّ عليّ واتشيل
    آلامك اللي بالحيل ... نا فيها اوحلت معاك
    أيش نقضك يا جرح
    وايش خطّره مدعاك
    لوكانّك من برّه ... يا جـــــــــــــرح نا داويتك
    ولومانك امداير جرّه ... ف القلب ما حسيتك
    نلقانك مـــــــــــــــــــــن جوّه ... تعبتني بالقوه
    في وقت مــــــــا من توا ... في حال نا وياك
    أيش نقضك يا جرح
    وايش خطّره مدعاك

      الوقت/التاريخ الآن هو الثلاثاء يناير 15, 2019 4:30 pm